Analytics Page level ads
Home / Culture & History / Istwa Rap Kreyol: Part 2
Istwa Rap Kreyol: Part 2

Istwa Rap Kreyol: Part 2

Koman Rap Kreyol antre an Ayiti?
#Part2
Apre lanmò Master Dji, li te gentan fè kontak avèk anpil jèn MC tankou Top AdlerMan ki te fè pati de yon gwoup dans ki te rele TOP MC. Apre sa Master Dji te fè rankont avek anpil lòt MC tankou BOP, Teddy Fresh, Jahh Yeye etc

Li te konn fè yo performe nan youn nan emisyon li yo sou Tropic FM ki te rele “Samedi en Folie” li te menm fè yo patisipe nan yon gran konsè ki te fèt nan lokal Institut St Louis de Gonzague. Misye te konn óganize konkou talan tou se nan li te dekouvri anpil jèn talan tankou Dj, dansè epi rapè . Konsa tou gen anpil gwo tenò nan mizik ayisyèn nan ki te komanse ap jwe stil sa sim pran site Les Frères Parent ki te fè yon verse Rap nan yon mizik ki rele VEYE yo, Phantom’s de King Kino te fè plizyè mizik nan stil la tankou “se ti fi a”, “zo” elatriye….

Bref
Apre lanmò Master Dji ,Haiti Rap N Ragga te fè yon muzik Omaj a Master Dji (Wale) epi yo te organize yon gwo konsè an omaj a potorik gason sa ki se te Master Dji

Gen anpil moun ki te panse apre lanmò Master Dji initiative la tap kanpe la. Men se te byen konte mal
Kalkile nan lane 1994 Original Rap Staff yon gwoup ki re fòme avèk Pepinyè Master Dji te lage yon muzik deyò ki rele (#BagayDwòl )
Mizik sa te fè yon hit jenes la tap mache avek gwoup sa.

Se la yo vinn dekouvri kek gran MC tankou Huberman Charles (Money Mike), Top Tchooko, Top Adlerman elatriye.
Apre Orijinal Rap Staff, vinn gen yon lot gwoup ki vinn fonde nan PV ki se King Posse ki vinn trè popilè avèk style music yo.
Kwak yo klase yo nan kategori Rap men vrè Rapè yo pat janm konsidere King Posse kom gwoup Rap paske yo te estime sa King Posse tap jwe a pat Rap men an realite li te nan kategori a malgre yo te fè plis ragga men genyen kek muzik ki te rap tankou “Nick Nack party”.

Apre sa vane Rap Kreyol la vinn louvri gen anpil lòt gwoup ki vinn fòme tankou Shaka Dreams ki te gen yon jan melanje rap li avek vodou (vodoo stylo), Bazamò ke Masta Precha te fè pati de li. Fok mwen diw ORS (Original Rap Staff) te enspire de yon gwoup Rap ameriken ki rele Wutang Clan. Se yo menm ki premye komanse fè Rap Clan an Ayiti. Kote yo ka lage yon track epi sou track sa preske 10 MC pase sou li. Se menm style sa ke Rockfam avek BC te vinn fè kèk tan apre e m gen poum pale de sa nan #part3 a.

Apre gwoup sa yo vini fok m diw mouvan an vinn vrèman elaji gen anpil gwoup ki pran nesans sim pwan site: Shaka, Bazamò Rap N family ki te gen pi jèn Mc nan epòk la ( Steeve Kid), e ki te gen yon fanm ( Spanish) se premye fanm ki chante rap kreyòl ofisyèlman, nan vil pwovens yo te gentan gen anpil tou.

Men fok m diw nan moman an Studio Recordz se te yon big deal e moun ki te gen studio yo te plus panche sou Ragga pa egzanp KS Production yon nan label ki te produit preske tout gwoup nan tandans sa alepok. Yo pat vle produit gwoup ki te ap fè pur rap yo paske yo te priyorize Ragga a.
Pur Rap komanse pran vrè essor li avèk les Masters D’Haiti bò ane 99 yo sou prezidans René Garcia Preval alepòk bagay yo pat twò bon an Ayiti. Bandi tap opere nan anpil ghetto tankou: Site Solèy, D2, solino elatriye. Epi alepok Prezidan Aristide te enpoze supremati li anpil moun te pè kritike rejim nan malgre rejim nan pat vrèman pote chanjman nan peyi a.

Men rapè Masters yo pat mete dlo man bouch yo pou te denonse avèk tout fòs yo sa ki pat bon nan sistem nan.
Neg yo te soti premye albòm yo ki te gen anpil track piman bouk e yo te kritike sistèm nan ouvèt man.
Tankou nan “Fon pale”, “Yon ti chand” epi “Potopwens mafia”

Nan epok sa m pa kwè gen gwoup muzikal ki te oze nan nivo mesye sa yo. Malgre nèg yo te gen yon jananke flow men pwofondè tèks yo epi fason yo te denonse gouvènman te rann ke non Masters ekri an lèt d’or nan rap game nan.
Se la nap mete yon bout nan #Part2 a.

M panse nou pwal palew nan #part3 a de ASRAP, Izi One et Tribus de Job,Live Jam, Majick Click jis rive nan Barikad and Rock Fam.
Pa bliye kòmante, poze kesyon.
Si gen bagy nou ka ajoute e konsa map aprann de nou tou.

NB: If copied and pasted please give proper credit.
Siw ap fè kopi kole pa bliye bay kredi a otè a.
Prepare pa: COLAS Herns (Suko), animatè RK
E-mail: hernszion@yahoo.fr

Istwa Rap Kreyol Part1 : Koman Rap Rantre an Ayiti?

Share / Patajel ...

Check Also

Haïti-Politique : Jovenel Moïse lance son émission télévisée pour défendre sa politique

  Port-au-Prince le 19 Septembre 2017. (509ZONE.COM)-La semaine qui débute en Haïti s’annonce chargée sur …

Réplique de ”ROODY m’a tout pris”

  Entre le Diable & Lucifer ! Nous étions tous sous le choc après la …