Analytics Page level ads
Home / Culture & History / Paw konn pi mal. Par Sheila GASPARD

Paw konn pi mal. Par Sheila GASPARD

Chak fwa l wè m
Nan rega l
M te konn wè rayisman l pou mwen
Se pa moun m te konn janm di bonjou
Poutan m pat maledvé non
Men Madanm sa,san l pat pou mwen
Mwen anko pi!
Lè w wè m a bout pantalon menm
Twazé jete m
Twazé ranmasé m!
Nan Legliz li te maché
Yo te pran l pou Madan Jezi
Paske l te gen mwayen
An plis li te toujou gen yon temwayaj
Kote satan voye atake l
Li triyonfé!
Lè m gen 14zan m desidé antre Legliz
Malerezman sete menm Legliz avel
M pasé tray anba madanm sa
Si Legliz tèminé
Manman m wè m poko vini
Lè m vini li wouchi m a baton
Paske gen yon dam misyonè kite gentan pase dil,li wèm rete nan bank zanmi monden!
Poutan sete a menm timoun Legliz la m te rete ap fè epav
Aprè yon 24 desanm
Map chwazi kite Legliz la nèt
Mwen chita sou yon tèt mi aprè Legliz
Nou nenpot 5 ou 6 ap trip
Pale…aprè ma l lakay mwen
Nan demen 25 pandan map domi
Baton leve m
Baton kouché m
Le m resi pran souf map mandé poukisa?
Manman m dim Epa madan untel dil
Yèswa m pasé nwit la sou yon tèt mi bo lakay li a,ap fè lanmou a yon ti nonm?
Sezisman manké touyé l
Pou chema l wè m ap trasé?
Marenn mwen gentan vini a zé
Pou l eseye,si tifi m pat tou volé alé jou 24 sa!
Mwen telman sezi
Mwen te anvi al devan lakay li pou m dil betiz
E pa janm al Legliz la anko!
Mwen te pè yon lot baton
M jis rete se wè yo wè m pa al Legliz anko!
Bagay ki rele bout pantalon
Bout jupe
Mwen te plis pa vin negosye sa
Men m sa m te bay,m tal repran
E pa gen moun kite ka chanje m sou desizyon m.
Se atò madanm sa vin pa vle wè m!
Men kounya m pat gen anyen a pèd
M majè epi m vin pi radi!
Jou Madanm sa te resi marye youn nan medam pafèt a jup long li yo
Jenn fi nan zone nan pat ka viv
Se komsi se Jezi kite vini sou Latè
Se sèl madanm sa a fanmi l li te pran al nan syèl!
Telman li te fè gran gozyé!
Maryaj la pa diré 6 mwa!
Koz
Tifi l sa telman te ti bouzin siptil
Manman l nan veye pou l fè manti sou pitit fi moun nan zone nan
Pat gen tan pou l remaké ti vis kaché pitit pa l!
Maryaj sa te bèl pase sa m pa konnen
Manje,kado,fè kenken
Poutan mesye marye al kenbe ti manzè nan yon hotel a pwop parenn maryaj la,ki te patron manzè!
Si resepsyon hotel la pat mande misye poul kite zam li,paske l sete yon Polisye
Manzè tap dèd!
Tansyon pran manman l
Li pase konbyen tan lopital!
Li vin chanje atitud li aprè skandal sa
Paske sa pat ka rete a 8klo!
Jis pou m diw zanmi m
Lè w wè yon moun gen yon tanperaman ki pa fè w plezi,palé avè l si w gen konprann pase l
Priyé pou l chanjé si w konn Priyé
Pa gade l tankou yon ka pèdi
Oumenm ki gen pitit fi
Lè w wè yon pitit vwazin ki vle derayé pale avèl,pa kreye pawol sou li,pa vèni do l
Paske sa ki repinyé w kay vwazine nan
Konn ap someyé anndan and kay ou!
(Sheila Gaspard)

Share / Patajel ...

Check Also

Haïti-Religion : La Conférence des Pasteurs de concert avec d’autres organisations protestantes exigent la révocation de la convention du 28 décembre 2016.

Dans une lettre adressée au nouveau ministre des Cultes, les organisations telles : la Conférence …

La cathédrale du Cap-Haïtien fermée pour restauration

Depuis le début du mois de juillet, les activités religieuses sont interrompues à la cathédrale …